بحبك وسط الصعاب

وسط الهم والصعب وسط الغم والكرب
دورت أشتكي لمين وأما جاي وكلي أنين
كان قلبي كله موجوع وعينايا مليانة دموع
لاقيتك وسط الظلام نور مالهوش مثيل
مادد أيديك الاتنين وعينيك مليانة حنين
قربت وقلت: هاشكي .. لكن لاقيت نفسي بابكي
وبدل ما اشتكي وألوم اتحولت الشكوي واللوم
لكلام نغم منظوم
قلت له : بحبك بحبك بحبك
بحبك وسط الحروب .. بحبك وسط الكروب
بحبك أنت إلهي وأنت صديقي الوفي
بحبك وسط انيني شايفك وأنت معيني
بحبك .. ولو الحرب اشتدت ولو حتى الامواج هاجت
بحبك وواثق بحبك
ولا ليا غيره .. ولا ليا بعدك
بحبك يا يسووووووووووووووع